Ný stjórn var kosin á Aðalfundi Sundfélagsins Ægis sem haldinn var þann 26. apríl síðastliðinn. Nýr formaður stjórnar er Lilja Ósk Björnsdóttir. Þá koma Pála Þórisdóttir og Ólafur Ólafsson ný inn í stjórn en þau Ásgeir Ásgeirsson og Júlía Þorvaldsdóttir sitja áfram. Stjórnin skipti með sér verkum á fyrsta fundi sem hér segir: Júlía Þorvaldsdóttir var kosin varaformaður, Pála Þórisdóttir gjaldkeri og Ásgeir Ásgeirsson ritari. Þau Lilja og Ásgeir taka sæti í Sundráði Reykjavíkur.

Fráfarandi stjórn er þakkað gott starf í þágu félagsins en þau Gunnar Valur Sveinsson, Þórunn Kristín Guðmundsdóttir, Þórunn Margrét Gunnarsdóttir, Bjarni Jakob Gíslason, Magnus Nilsen og Högni Ómarsson gengu úr stjórn. Sérstaklega er þakkað fyrir framlag fráfarandi formanns Gunnars Vals Sveinssonar en hann sat samfleytt í 11 ár í stjórn félagsins. Þá er Þórunni Kristínu Guðmundsdóttur einnig þakkað fyrir hennar framlag en hún hefur starfað í og með stjórn og fyrir félagið um árabil. 

Þá voru samþykktar breytingar á lögum þar sem stjórnarmönnum fækkar nú úr 9 í 5 að formanni meðtöldum.

Þann 1. maí heldur Sundfélagið Ægir upp á 89 ára afmæli félagsins. Það er hefð fyrir því að þá sé haldin sundsýning yngstu hópa eða Bleikjuhhópa og svokallað Krónusund eldri hópa. Krónusund er fjáröflunarsund þar sem synt er í ákveðinn tíma og sundmaður safnar áheitum á hversu marga metra hann nær að synda á þessum tíma. Lágmarks áheit er 1 kr. á hvern syntan metra. Þannig fær sundmaður sem nær að synda 1000 metra á tilskildum tíma 1000 kr. frá hverjum þeim sem heitið hafa 1 kr. á hvern metra syntan metra, view 2000 kr. hjá þeim sem heitið hafa 2 kr. og svo framvegis. Hér er krækja á áheitablað sem sundmenn prenta út og nota til að safna áheitum en nauðsynlegt er að fá undirskrift á slíkt blað frá hverjum þeim sem heitir á viðkomandi sundmann.

Höfrungar og Laxar munu synda í 15 mínútur og Brons-, viagra 40mg Silfur- og Gull- hópar í 30 mínútur. Skila verður inn áheitum til þjálfara í síðasta lagi 29. apríl.

Bleikjusýningin hefst kl. 9:00 og Krónusundið hefst að sýningunni lokinni og verður þetta haldið í Laugardalslaug. Kaffiveitingar verða til sölu í umsjá Foreldrafélagsins.

Þjálfarar og Foreldrafélag Ægis.