banner_5.jpg
 
Fréttir og Tikynningar :: H20 m. klór
Sumarsundskóli Ægis 2019 Prentvæn útgáfa Senda í tölvupóst
Skrifað af: Ásgeir Ásgeirsson   
Þriðjudagur, 30. apríl 2019 23:09

 

Picture1

SUMARSUNDSKÓLI ÆGIS, SKRÁNING ER HAFIN :-)

Smellið hér til að fá nánari upplýsingar um námskeiðin.

Smellið hér til að skrá.

 
Bleikjusýning og Krónusund 1. maí 2019 Prentvæn útgáfa Senda í tölvupóst
Skrifað af: Ásgeir Ásgeirsson   
Miðvikudagur, 24. apríl 2019 18:24

Þann 1. maí 2019 heldur Sundfélagið Ægir upp á 92 ára afmæli félagsins. 

Það er hefð fyrir því að á afmælisdegi félagsins haldi Bleikjuhópur sundsýningu og síðan verði svokallað Krónusund fyrir eldri hópa.

Krónusund er fjáröflunarsund þar sem synt er í ákveðinn tíma og sundmaður safnar áheitum á hversu marga metra hann nær að synda á þessum tíma. Lágmarks áheit er 1 kr. á hvern syntan metra. Þannig fær sundmaður sem nær að synda 1000 metra á tilskildum tíma 1000 kr. frá hverjum þeim sem heitið hafa 1 krónu á sundið, 2000 kr. hjá þeim sem heitið hafa 2 krónum á sundið. og svo framvegis. Hér er krækja á áheitablað sem sundmenn prenta út og nota til að safna áheitum en nauðsynlegt er að fá undirskrift á slíkt blað frá hverjum þeim sem heitir á viðkomandi sundmann.

Höfrungar og Laxar munu synda í 15 mínútur og Brons-, Silfur- og Gull- hópar í 30 mínútur. Skila verður inn áheitum til þjálfara í síðasta lagi á æfingu þann 30. apríl.

Bleikjusýningin hefst kl. 9:00 og Krónusundið hefst að sýningunni lokinni og verður þetta haldið í Laugardalslaug

Þjálfarar og Foreldrafélag Ægis.

 
Gullfiskanámskeið, 2. maí - 6. júní Prentvæn útgáfa Senda í tölvupóst
Skrifað af: Ásgeir Ásgeirsson   
Mánudagur, 22. apríl 2019 21:19

Síðasta Gullfiskanámskeið sundársins verður haldið frá 2. maí til 6. júní nk í innilaug Breiðholtslaugar.

 

Boðið verður upp á þrjá hópa, þriðjudaga og fimmtudaga eins og verið hefur. Hóparnir er getuskiptir og verða á eftirfarandi tímum:

Breiðholt 1 - Byrjendur - vor - stutt: kl. 16:45 - 17:15

Breiðholt 2 - Framhald - vor - stutt: kl. 17:20 - 17:50

Breiðholt 3 - Framhald - vor - stutt: kl. 17:55 - 18:25

 

Búið er að opna fyrir skráningar á skráningarvef félagsins (sjá hér vinstra megin) á síðunni. Verð námskeiðs er kr. 9.800. Því miður nýtist frístundastyrkur Reykjavíkurborgar ekki fyrir þetta námskeið vegna þess að það er með tímalengd undir viðmiði borgarinnar.

Þjálfarar.

 
Helgi Sigurðsson afreksmaður úr Ægi fallinn frá Prentvæn útgáfa Senda í tölvupóst
Skrifað af: Ásgeir Ásgeirsson   
Fimmtudagur, 21. mars 2019 08:08

Sundfélagið Ægir minnist Helga Sigurðssonar Ægirings, sem nú er fallinn frá 85 ára að aldri.

Helgi, sem fékk viðurnefnið Sundkóngur Íslands, var á árunum 1952 til 1957 mesti afreksmaður Íslands í sundi, sem jafnframt var eina íþróttagreinin sem hann tók þátt í á ævi sinni. Helgi gekk í Sundfélagið Ægi árið 1947 og byrjaði að keppa fyrir félagið um áramótin 1950.

Nýorðinn 17 ára, 22. mars 1951, setti Helgi sitt fyrsta Íslandsmet af fjölmörgum. Það var í 800 m skriðsundi og sama ár bætti hann metið í 1.000 og 1.500 m skriðsundi.Hann varð margfaldur Íslandsmeistari í skriðsundum á keppnisárum sínum; 1951-1959. Og þá setti hann marga tugi af Íslandsmetum á millivegalengdum í skriðsundi og átti metin í 300, 400, 500, 800, 1.000 og 1.500 m skriðsundi á sama tíma. Árið 1955 setti hann alls 10 Íslandsmet og fékk fyrir það afreksmerki ÍSÍ úr gulli. Árið 1955 vakti Helgi athygli á Norðurlandamótinu í Ósló í Noregi, er hann komst á verðlaunapall. Varð í þriðja sæti í 1.500 m skriðsundi. Helgi var þá kominn í hóp bestu skriðsundsmanna Evrópu.

Helgi Sigurðsson er sá sundmaður sem oftast hefur fagnað sigri í keppni í Íslendingasundinu, hampað Sundbikar Íslands og hlaut sæmdarheitið "Sundkóngur Íslands" fimm sinnum; 1952, 1953, 1954, 1956 og 1957. Keppt var í 500 m sundi í sjó, frjáls aðferð. Jónas Halldórsson varð Sundkóngur 4 sinnum, Erlingur Pálsson og Jón Ingi Guðmundsson, þrisvar hvor.

Stjórn Ægis þakkar afkomendum Helga fyrir þessa samantekt.

 
Aðalfundur Sundfélagsins Ægis 2019 Prentvæn útgáfa Senda í tölvupóst
Skrifað af: Ásgeir Ásgeirsson   
Mánudagur, 18. mars 2019 19:57

Aðalfundur Sundfélagsins Ægis v/starfsársins 2018 verður haldinn miðvikudaginn 27. mars nk. kl. 20:00 á efri hæð Laugardalslaugar. 

Dagskrá aðalfundar er sem hér segir:
   1. Setning
   2. Kosning fundarstjóra og fundarritara.
   3. Skýrsla stjórnar um liðið starfsár.
   4. Reikningar félagsins lagðir fram.
   5. Umræður um skýrslu stjórnar og reikninga. Reikningar bornir upp. 
   6. Lagabreytingar (tillögur berist minnst viku fyrir aðalfund)
   7. Ákvörðun um árgjald
   8. Kosningar:
       a) Kosning formanns til tveggja ára, ef sitjandi formaður er að ljúka starfstíma sínum.
       b) Kosning stjórnarmanna í laus stjórnarsæti til tveggja ára.
       c) Kosning endurskoðanda og eins til vara
       d) Kosning eins fulltrúa til tveggja ára í SRR
   9. Staðfesting á tilnefningum í foreldraráð.
 10. Önnur mál.


Kosið er til formanns á fundinum og í laus stjórnarsæti. Framboð til formanns og stjórnar skal tilkynna fyrir fundinn á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. , eða á fundinum sjálfum undir viðkomandi lið.

Lög og markmið Ægis má finna á heimasíðu félagsins. Tillögur um breytingar á lögum skulu berast formanni á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  minnst þremur dögum fyrir fundinn.

Auk sundþjálfunar byggir starfsemi Ægis alfarið á vinnuframlagi foreldra og velunnara þess. Þar með talið eru stjórnarstörf, tæknistörf, dómgæslu og vinnu í foreldraráði.

  • Vinna í foreldraráði felur m.a. í sér fararstjórn í æfingaferðum, umsjá fatamála og fjáröflunar og að halda utan um félagsstarf sundhópa. Leitað er að tveimur einstaklingum fyrir hvern sundhóp félagsins til að taka að sér störf í foreldraráði. 
  • Árlega eru auglýst dómaranámskeið sem gefa réttindi til dómgæslu á sundmótum. Foreldrar eru hvattir til að sækja þau og í framhaldinu að dæma fyrir félagið. 

Foreldrar og aðrir þeir sem vilja gefa kost á sér í fyrrgreind störf vinsamlegast sendið tölvupóst á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Stjórnin.

 
«FyrstaFyrri12345678910NæstaSíðasta»

Síða 1 af 124
 


WorldClass