banner_14.jpg
 
Fréttir og Tikynningar :: H20 m. klór
Ægir er Reykjavíkurmeistari 2022 Prentvæn útgáfa Senda í tölvupóst
Skrifað af: Ásgeir Ásgeirsson   
Sunnudagur, 01. maí 2022 10:35

Sundfélagið Ægir varð í gær Reykjavíkurmeistari 2022.


IMG 7208

 

Þá urðu Ægirringarnir Sunna Arnfinnsdóttir og Birgir Hrafn Kjartansson stigahæstu sundmenn mótsins í sínum aldursflokkum.

Mótið sem venjulega er haldið í janúar ár hvert var haldið seinna í ár vegna COVID faraldursins. COVID kom þó við sögu á mótinu en nokkrir sundmenn gátu ekki tekið þátt eftir að hafa greinst með sjúkdóminn. Þrátt fyrir að nokkrir sundmenn félagsins í aldursflokkum gætu ekki tekið þátt allt mótið vegna æfingarhelgar Framtíðarhóps Sundsambandsins þá náði félagið að verja titil sinn frá í fyrra, en Ægir varð einnig Reykjavíkurmeistari árið 2021.

Þetta er sérstaklega ánægjulegur árangur þar sem félagið fagnar 95 ára afmæli sínu í dag. Við minnum af því tilefni á afmæliskaffið á annarri hæð Laugardagslaugar í tilefni dagsins. Allir sundmenn, núverandi og fyrrverandi og velunnarar félagsins eru velkomnir.

Við óskum sundmönnum og þjálfurum til hamingju með þennan glæsilega árangur á stórafmælisárinu!

Stjórnin.

 
Niðurstöður aðalfundar 2022 Prentvæn útgáfa Senda í tölvupóst
Skrifað af: Ásgeir Ásgeirsson   
Miðvikudagur, 30. mars 2022 19:56

Sundfélagið Ægir hélt Aðalfund félagsins þann 29. mars síðastliðinn.

Megin niðurstöður fundarins voru eftirfarandi:

  • Helgi Þór Þórsson var kjörinn formaður félagsins til næstu 2ggja ára.
  • Ásgeir Ásgeirsson, Hildur Björk Kristjánsdóttir og Júlía Þorvaldsdóttir halda áfram í stjórn til eins árs.
  • Arnfinnur Jónasson kemur nýr inn í stjórn til 2ggja ára.
Guðni Einarsson hverfur úr stjórn og þakkar félagið honum afar vel unnin störf síðustu 2 ár. 
  • Á fundinum var Kjartan Birgisson kjörinn áheyrnarfulltrúi foreldra fram að næsta Aðalfundi.
  • Fimm fulltrúar úr röðum foreldra voru tilnefndir í foreldraráð félagsins.
  • Kjör fulltrúa í SRR var vísað til nýrrar stjórnar.
  • Ákvörðun um félagsgjald var vísað til nýrrar stjórnar.
  • Skoðunarmaður reikninga var kjörinn Hólmsteinn Ingi Halldórsson og Pála Þórisdóttir til vara.
Félagið óskar nýjum formanni og öðrum kjörnum fulltrúum velfarnaðar í starfi fyrir félagið.

 

 
Dómaranámskeið, fimmtudaginn 30/9. Prentvæn útgáfa Senda í tölvupóst
Skrifað af: Ásgeir Ásgeirsson   
Sunnudagur, 26. september 2021 22:11

Dómaranámskeið verður haldið fimmtudaginn 30/9. Ægir hvetur foreldra til að taka þátt í sundstarfi barna sinna með því að gerast sunddómarar. Námskeiðið verður haldið á milli kl. 18:00 og 20:00 í húsnæði ÍSÍ við Engjaveg. Það nægir að mæta á staðinn til að taka þátt. Verkleg þjálfun fer fram á ARENA mótinu sem haldið verður helgina 2. - 3. september.

Stjórnin.

 
Skráning á haustmisseri 2021 Prentvæn útgáfa Senda í tölvupóst
Skrifað af: Ásgeir Ásgeirsson   
Fimmtudagur, 05. ágúst 2021 09:51

Kæru sundmenn og forráðamenn. Nú er skráning í sundhópa hafin fyrir haustmisseri 2021.

Skráningar fram í rafrænu skráningarkerfi Sundfélagsins Ægis í Sportabler. Hægt er að greiða með greiðslukorti eða skipta greiðslum í allt að 4 hluta. Hefjið skráningu með því að smella hér eða á krækjuna vinstra megin á síðunni.

Það er mikilvægt að skrá sundmenn sem fyrst til að hægt sé að staðfesta æfingtöflu hópanna en fyrstu drög að henni má finna hér eða á síðunni til vinstri. Vakin er athygli á því að æfingataflan getur breyst næstu vikur á meðan allir hópar eru að komast í gang.

Sundmönnum sem hafa snjallsíma og forráðamönnum er bent á að hlaða niður snjallforritinu Sportabler til að fylgjast með æfingatímum og tilkynningum frá þjálfurum.

Mikilvægt er að fylgjast með fréttum hér á heimasíðu félagsins og frá þjálfurum á facebook síðum hópanna (GullSilfurBrons).

Stjórnin.

 
Uppskeruhátið Ægis fyrir 2020 Prentvæn útgáfa Senda í tölvupóst
Skrifað af: Ásgeir Ásgeirsson   
Þriðjudagur, 08. júní 2021 18:57

Uppskeruhátíð Sundfélagsins Ægis fyrir árið 2020 verður haldin mánudaginn 14. júní á efri hæð Laugardalslaugar

Hátíðin hefst kl. 18:00 og henni líkur um kl. 19:30. Að þessu sinni er hátíðin engöngu fyrir sundmenn félagsins í Löxum, Höfrungum, Brons-, Silfur- og Gullhópum,  en einn aðstandandi má gjarnan fylgja sundmönnum í Löxum og Höfrungum.

 

Loksins höldum við uppskeruhátíð til að fagna árangri ársins 2020 :) Árið 2020 var afar sérstakt ár og tekur hátíðin mið af því, m.a. vegna þeirra sóttvarnarreglna sem eru í gildi. Að þessu sinni verður hátiðin eingöngu fyrir sundmenn og þjálfara og býður félagið upp á veitingar í stað sameiginlegs hlaðborðs sem hefð er fyrir. Einn aðstandandi má fylgja hverjum sundmanni í Löxum og Höfrungum. Á boðstólum verða pizzur, drykkir og eftirréttur.


Dagskráin verður með hefðbundnu sniði:

1. Farið yfir helstu atburði ársins 2020.
2. Aldursflokkaviðurkenningar veittar sundmönnum fyrir árið 2020.
3. Viðurkenningar fyrir ástundun verða veittar til sundmanna af þjálfurum.
4. Guðrúnarbikararinn afhentur skv. reglugerð.
5. Ægisskjöldurinn afhentur skv. reglugerð.

Til að hljóta viðurkenningu þarf sundmaður að vera skráður í Sundfélagið Ægi í lok árs 2020.


Við vonumst til að sjá sem flesta sundmenn Ægis frá Löxum og upp í Gullhóp á hátíðinni.

Stjórn og þjálfarar.

 
«FyrstaFyrri12345678910NæstaSíðasta»

Síða 1 af 130
 

WorldClass