banner_4.jpg
 
Fréttir og Tikynningar :: H20 m. klór
Krónusund og Bleikjusýning Sundfélagsins Ægis 1.maí kl.11. Prentvæn útgáfa Senda í tölvupóst
Skrifað af: Ingigerður   
Laugardagur, 27. apríl 2024 08:02
Sundfélagið Ægir á afmæli þann 1.maí.

Á afmæli Ægis er hefð fyrir því að halda Krónusund. Krónusund er fjáröflun fyrir sundfólkið okkar og komandi verkefni þeirra. En framundan eru ýmis verkefni eins og æfingabúðir fyrir brons og silfur innanlands, AMÍ í Reykjanesbæ, og svo í sumar æfingabúðir erlendis fyrir elstu hópana.
Krónusundið fer þannig fram að þeir sem taka þátt safna áheitum pr hvern meter sem þau synda. Sem dæmi þá synda elstu hóparnir, gull, silfur og brons í 30 mínútur. Ef einhver heitir á sundmann 1 kr. á meter, og sundmaðurinn syndir td. 1.700 metra, þá þýðir það 1.700kr. í styrk. Fyrir 2 krónur á metra eru það 3.400kr osfrv.
Í krónusundinu synda Laxar og Höfrunar í 15 mínútur og Gull, Silfur og Brons hópar synda í 30 mínútur.
Einnig munu Bleikjuhópar félagsins sýna okkur hvað þau hafa lært í vetur og synda nokkrar ferðir með aðstoð eldri sundmanna. Laugardalslaug kl.11 þann 1.maí.
Veitingasala og sala á fatnaði fer fram í sjoppunni á annarri hæð laugarinnar.
Við hvetjum alla til að koma í laugardalslaug 1. maí kl 11:00, sjá starfið hjá sundfólkinu okkar og styðja við þau.
 
Frábær sundnámskeið fyrir káta krakka Prentvæn útgáfa Senda í tölvupóst
Skrifað af: Ingigerður   
Laugardagur, 27. apríl 2024 07:41
Nú hefur verið opnað fyrir skráningu á Sportabler Sumarsundnámskeið Ægis sem fara fram í innisundlaug í Breiðholtslaug.
Vegna fjölda eftirspurna þá verða námskeiðin í sumar vikulöng námskeið og auðvelt að bóka fleiri vikur saman.

Fyrsta sundnámskeiðið hefst 10.júní.

Tímarnir eru 40 mínútur í senn og eru tímar eftirfarandi
  • 8:20-9:00 (Tímar unnir með frístundarheimilum fyrstu 4 vikurnar)
  • 9:00 - 9:40
  • 10:00 - 10:40
  • 10:40 - 11:20
  • 11:40 - 12:20
Smellið hér til að skrá á Sportabler:https://www.abler.io/shop/aegir/sund
sund 24 isl
sund 24 ensk
sund 24 polsk
 
AÐALFUNDUR. Prentvæn útgáfa Senda í tölvupóst
Skrifað af: Ingigerður   
Laugardagur, 09. mars 2024 16:29

Þriðjudaginn 12.mars næstkomandi kl.17.30 verður haldinn aðalfundur Sundfélagsins Ægis.

Fundurinn verður haldinn í fundarsalnum á annarri hæð Laugardalslaugar í Reykjavík. Hann er haldinn á sama tíma og æfingar eru í eldri hópum félagsins og því ætti að henta vel að mæta á fund þegar verið er að skutla krökkunum á æfingu.


Dagskrá aðalfundar er sem hér segir:

1. Setning

2. Kosning fundarstjóra og fundarritara.

3. Skýrsla stjórnar um liðið starfsár.

4. Reikningar félagsins lagðir fram.

5. Umræður um skýrslu stjórnar og reikninga. Reikningar bornir upp.

6. Lagabreytingar

7. Ákvörðun um árgjald

8. Kosningar:

  • a) Kosning formanns til tveggja ára
  • b) Kosning stjórnarmanna í laus stjórnarsæti til tveggja ára
  • c) Kosning endurskoðanda og eins til vara
  • d) Kosning eins fulltrúa til tveggja ára í SRR

9. Staðfesting á tilnefningum í foreldraráð.

10. Önnur mál. Á fundinum verður kosið um laus stjórnarsæti. Þá er formaður félagsins kosinn sérstaklega. Framboð til formanns og stjórnar má tilkynna fyrir fundinn með tölvupósti á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .


Lög og markmið Ægis má finna með því að smella hér. Tillögur um breytingar á lögum skulu berast formanni með tölvupósti á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  minnst þremur dögum fyrir fundinn.

Við hvetjum foreldra sundiðkenda til að mæta á aðalfundinn og taka þátt í starfi félagsins með virkum hætti.


Vonumst til að sjá sem flesta.

Stjórn Sundfélagsins Ægis.

 
Uppskeruhátíð Sundfélagsins Ægis fyrir árið 2023 Prentvæn útgáfa Senda í tölvupóst
Skrifað af: Ingigerður   
Sunnudagur, 18. febrúar 2024 20:06

Uppskeruhátíð Sundfélagsins Ægis fyrir árið 2023 verður haldin laugardaginn 24. febrúar nk. í sal hjá Wurth á Íslandi, Norðlingabraut 8.

Hátíðin hefst kl. 12:30 og henni lýkur um kl. 14:00. Þar veitum við verðlaun fyrir góðan árangur ársins 2023 og eigum góða stund saman. Eins og áður verður þetta Pálínuboð, það koma allir með eitthvað með sér á hlaðborð og Sundfélagið sér um drykki með.

Við hvetjum alla Ægiringa að mæta og taka þátt í þessu með okkur.


Dagskráin verður með hefðbundnu sniði:

  1. Farið yfir helstu atburði ársins 2023.
  2. Aldursflokkaviðurkenningar veittar sundmönnum fyrir árið 2023.
  3. Viðurkenningar fyrir ástundun verða veittar til sundmanna af þjálfurum.
  4. Guðrúnarbikararinn afhentur.
  5. Ægisskjöldurinn afhentur.

Til að hljóta viðurkenningu þarf sundmaður að hafa verið skráður í Sundfélagið Ægi í lok árs 2023.

Stjórn og þjálfarar.

 
Reykjavíkurmeistaramót 2024 Prentvæn útgáfa Senda í tölvupóst
Skrifað af: Ingigerður   
Sunnudagur, 14. janúar 2024 11:10

Stigahæstu rvk

Reykjavíkurneistaramót SRR fór fram um helgina í Laugardalslaug.

Það er óhætt að segja að árið byrjar vel hjá okkur en á mótinu unnum við 69 Reykjavíkurmeistaratitla, áttum fimm af stigahæsta sundfólkinu og sundmaður Reykjavíkur árið 2023 er Stefán Ingi Ólafsson. Á myndinni má sjá alla stigahæstu sundmenn mótsins.

Að auki unnum við 55 silfurverðlaun og 31 bronsverðlaun sem gera 155 verðlaun í heildina! Þvílíkur dugnaður í okkar fólki!

Reykjavíkurmeistaramótið er stigamót milli liðanna í Reykjavík og var Ægir í harðri baráttu við Ármann um titilinn en þeir höfðu betur að lokum.

Frábært mót og meiriháttar stemning í hópnum. Framtíðin er sannarlega björt hjá okkur í Sundfélaginu Ægi.

 
«FyrstaFyrri12345678910NæstaSíðasta»

Síða 1 af 133
 

Á döfinni:

WorldClass