banner_8.jpg
 
Frétt


Aðalfundur Sundfélagsins Ægis 2019 Prentvæn útgáfa Senda í tölvupóst
Skrifað af: Ásgeir Ásgeirsson   
Mánudagur, 18. mars 2019 19:57

Aðalfundur Sundfélagsins Ægis v/starfsársins 2018 verður haldinn miðvikudaginn 27. mars nk. kl. 20:00 á efri hæð Laugardalslaugar. 

Dagskrá aðalfundar er sem hér segir:
   1. Setning
   2. Kosning fundarstjóra og fundarritara.
   3. Skýrsla stjórnar um liðið starfsár.
   4. Reikningar félagsins lagðir fram.
   5. Umræður um skýrslu stjórnar og reikninga. Reikningar bornir upp. 
   6. Lagabreytingar (tillögur berist minnst viku fyrir aðalfund)
   7. Ákvörðun um árgjald
   8. Kosningar:
       a) Kosning formanns til tveggja ára, ef sitjandi formaður er að ljúka starfstíma sínum.
       b) Kosning stjórnarmanna í laus stjórnarsæti til tveggja ára.
       c) Kosning endurskoðanda og eins til vara
       d) Kosning eins fulltrúa til tveggja ára í SRR
   9. Staðfesting á tilnefningum í foreldraráð.
 10. Önnur mál.


Kosið er til formanns á fundinum og í laus stjórnarsæti. Framboð til formanns og stjórnar skal tilkynna fyrir fundinn á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. , eða á fundinum sjálfum undir viðkomandi lið.

Lög og markmið Ægis má finna á heimasíðu félagsins. Tillögur um breytingar á lögum skulu berast formanni á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  minnst þremur dögum fyrir fundinn.

Auk sundþjálfunar byggir starfsemi Ægis alfarið á vinnuframlagi foreldra og velunnara þess. Þar með talið eru stjórnarstörf, tæknistörf, dómgæslu og vinnu í foreldraráði.

  • Vinna í foreldraráði felur m.a. í sér fararstjórn í æfingaferðum, umsjá fatamála og fjáröflunar og að halda utan um félagsstarf sundhópa. Leitað er að tveimur einstaklingum fyrir hvern sundhóp félagsins til að taka að sér störf í foreldraráði. 
  • Árlega eru auglýst dómaranámskeið sem gefa réttindi til dómgæslu á sundmótum. Foreldrar eru hvattir til að sækja þau og í framhaldinu að dæma fyrir félagið. 

Foreldrar og aðrir þeir sem vilja gefa kost á sér í fyrrgreind störf vinsamlegast sendið tölvupóst á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Stjórnin.

 
Uppskeruhátið fyrir árið 2018 Prentvæn útgáfa Senda í tölvupóst
Skrifað af: Ásgeir Ásgeirsson   
Sunnudagur, 13. janúar 2019 21:35

Uppskeruhátíð Sundfélagsins Ægis fyrir árið 2018 verður haldin laugardaginn 19. janúar í Laugalækjarskóla.

Hátíðin hefst kl. 11:00 og henni líkur um kl. 13:00. Hátíðin er fyrir sundmenn félagsins og aðstandendur þeirra, allt frá Bleikjum og upp í Gullhóp.


Dagskráin verður með hefðbundnu sniði:

1. Farið yfir helstu atburði ársins 2018.
2. Aldursflokkaviðurkenningar veittar sundmönnum fyrir árið 2018. ~
3. Viðurkenningar veittar til sundmanna frá þjálfurum.
4. Guðrúnarbikararinn afhentur skv. reglugerð.
5. Ægisskjöldurinn afhentur skv. reglugerð.

 

Ath. Til að hljóta viðurkenningu þarf sundmaður að hafa verið skráður í Sundfélagið Ægi í lok árs 2018.

 

Að venju óskum við eftir stuðningi frá foreldrum til að koma með veitingar á sameiginlegt hlaðborð. Ægir leggur til kaffi og aðra drykki. Við vonumst til að sjá sem flesta sundmenn og velunnara Ægis á hátíðinni.

Stjórnin.

 
JÓLAMÓTI FRESTAÐ! Prentvæn útgáfa Senda í tölvupóst
Skrifað af: Ásgeir Ásgeirsson   
Miðvikudagur, 12. desember 2018 21:53

Jólamóti Ægis sem halda átti á laugardag verður frestað af óviðráðanlegum ástæðum. Búnaður í Laugardalslaug sem lyftir botni laugarinnar að hluta gaf sig og er ekki hægt að færa brúna að svo stöddu í 25m stöðu. Byrjað verður að tæma laugina á föstudag og viðgerð hefst vonandi á mánudag að lokinni bilanagreiningu.

Til greina kemur að halda jólamótið laugardaginn 29. desember ef viðgerð verður lokið, en það verður þá staðfest síðar.

Stjórnin.

 
Jólamót Ægis 2018 Prentvæn útgáfa Senda í tölvupóst
Skrifað af: Ásgeir Ásgeirsson   
Þriðjudagur, 27. nóvember 2018 21:09

******BREYTING******

Jólamót Ægis verður haldið LAUGARDAGINN 15. DESEMBER í Laugardalslaug fyrir þátttakendur allt frá Bleikjum og upp í Garpa. Mótið er tvískipt og hefst með 800 og 1500 metra skriðsundi hjá eldri hópum en síðan er farið í styttri greinar. Dagskrá mótsins er sem hér segir:

Fyrri hluti: 

  • Upphitun hefst kl. 13:00
  • Mót hefst kl. 13:30 
    • 800 metra skriðsund
    • 1500 metra skriðsund
Seinni hluti:
  • jólasveinnUpphitun hefst kl. 14:00 í innri hluta laugarinnar
  • Sundsýning Bleikja 14:30 eða strax að loknum fyrri hluta
  • Mót hefst að lokinni sundsýningu:
    • 25 metra baksund
    • 50 metra baksund
    • 25 metra bringusund
    • 50 metra bringusund
    • 25 metra skriðsund
    • 50 metra skriðsund
    • 100 metra skriðsund
    • 25 metra flugsund
    • 50 metra flugsund
    • 100 metra fjórsund
  • Móti lýkur um kl. 16:00.
Rafræn tímataka og dómgæsla verður á mótinu.

Þetta er stórskemmtilegt innanfélagsmót þar sem flestir sundhópar taka þátt og börn í yngstu hópunum fá að taka þátt í sínu fyrsta sundmóti. Þátttakendur verða úr Bleikjum, Löxum, Höfrungum, Brons, Silfur og Gull hópum. Foreldarar taka þátt í mótshaldinu með því að hjálpa til við tímatöku. 

Þjálfarar ræða við sundmenn um þátttöku og greinar og senda skilaboð til foreldra. 

 
Sunddómaranámskeið Prentvæn útgáfa Senda í tölvupóst
Skrifað af: Ásgeir Ásgeirsson   
Þriðjudagur, 20. nóvember 2018 12:57

Ágætu foreldrar og forráðamenn sundmanna í Ægi, 

Á fimmtudag í þessari viku, þann 22. nóvember verður haldið sunddómaranámskeið í Laugardalslaug. 
Námskeiðið hefst kl. 18:00 og því lýkur um kl.  20:00. Ég hvet ykkur til að mæta á námskeiðið og taka fyrsta skrefið í átt að dómararéttindum. Bóklegur hluti námskeiðsins fer fram þessa tvo tíma á fimmtudagskvöld og svo hefst verklegur hluti á Málmtæknimóti Fjölnis sem haldið verður á laugardag fyrir og eftir hádegið. Ef þið komist bara á fimmtudag en ekki um helgina er hægt að færa verklega hlutann á annað sundmót. Það er ómetanlegt fyrir sundfélagið Ægi að hafa á að skipa öflugu fólki á meðal sunddómara.
Vinsamlega skráið ykkur með því að senda upplýsingar um nafn, sundfélag, kennitölu og símanúmer á netfangið  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Bestu kveðjur, 
Ingibjörg Ýr Pálmadóttir, 
yfirdómari hjá Ægi
 
«FyrstaFyrri12345678910NæstaSíðasta»

Síða 3 af 126
 

Á döfinni:


WorldClass